روژگار به‌ره‌فتاوه‌گان
چه‌نی گه‌ن و خراوه، هال به‌ره‌فتاوه‌گان
بیه‌سه جور که‌لاوه‌یگ مال به‌ره‌فتاوه‌گان
خوه‌ر هاله ژیر ئه‌وره‌یل، کوره‌و بیه وجاخی
سه‌ره خِری که‌فتیه‌سه ناو بره‌فتاوه‌گان
گه‌رده‌له گیوچانه‌گان ئی ده‌یشته دانه‌سه‌و وه‌ر
دی که‌سی نیه شنه فیدن قال به‌ره‌فتاوه‌گان
توز نه‌هات و نامه‌ی ها وه‌ر ئاسمان که‌و
چه‌نی پر ته‌پ و توزه سال به‌ره‌فتاوه‌گان
پشت کیوه‌یل بانان هه‌م ئاسمانه هه‌م خوه‌ر
وه‌لی چه فایده شکیاس بال به‌ره‌فتاوه‌گان
هوز بریقه‌یل خوه‌ر تا گه‌ر شه‌که‌ت بیاتان
هاتیان و پال دیانه پال به‌ره‌فتاوه‌گان
شه‌یو سیه‌ی ئازیه‌ت وه کومه کومه زیوخه‌و
پا ناسه شونْ،شه‌یوه‌یل وال به‌ره‌فتاوه‌گان
وه داخ دیوری خوه‌ر یه‌ی هه‌مکه ئه‌سر و خوین
رشیاسه ناو چه‌وه‌یل کال به‌ره‌فتاوه‌گان
یه‌ی پرشه نیور زه‌ردیگ،مه‌گه‌ر وه قسیه باری
یه‌ی جار تر زوان لال به‌ره‌فتاوه‌گان
مه‌گه‌ر دوواره خوه‌ر بای یا ئاسمان که‌وو بوو
تا لاچوو روژگار تال به‌ره‌فتاوه‌گان
ک له میل ناو و خوین هنه شاعر نین اصل که له میل فال و ئرمیس بیونه (ایمه یه فضولی بیوچگ کردیمه)
منبع: وبلاگ کردی جنوب
